رسالة من مواطن يسكن حي الحسين في بغداد:
اني مواطن من احد المناطق المقاربه لمنطقه العامريه
منطقتي ذات مدخل ومخرج فقط
قبل فتره صارت حالات قتل من قبل سياره سبرينك لون اسود بدون رقم مظلله
قتلت 3 اشخاص يوم بعد يوم
وقبل يوم العيد الساعه 12 ليلا
كنا عند الحلاق مايقارب ال20 شاب
دخلت سياره سوناتا 2012 لون سلفر رقم الشارقه
نزل منها شخص سالنا اكو مجال نزين
والثاني من الجها الاخر فتح الباب وترك كيس
على الرصيف
مشت السياره مسافه واذا بصوت طرقه خفيفه
راح احد الشباب ويانه كشف الكيس تبين انو عبوه وبيها تلفون
المهم اجت بعد 5 دقائق سياره الحرس مستطرقه وكفناها
شالو العبوه طلعت 5كيلو وبيها صجم
واليوم الساعه ب11 تقريبا
دخلت نفس السياره وبيها 3 اشخاص
قتلو شخص جيراني شافهم صاحبي وركض من طريق يطلعه قبلهم للسريه مال حرس
بلغ الحرس وشرحله الصار اجت السياره من فرع مقابيل السريه صاحبي اشرله لبو الحرس كاله هياتها هيه هاي
ابو الحرس لارماها ولا شي يكوله لصاحبي ليش هيه نفس هاي؟؟!!
القوات الحكومية في حماية الحكومة وليس الشعب
ليست هناك تعليقات:
إرسال تعليق
نشكر جهودكم المباركة جزيل الشكر والتقدير ادارة صفحة صوت الجماهير